رواية احقا تراني هكذا؟؟!
البارت السادس
للكاتب المصري محمد مالك
جميع الحقوق محفوظةوتخرج رشا الي الصالة لتجد علي وثروت يضحكون بطريقة هيستيرية وصوت عالي وامامهم علي المنضدة اكلة كباب وكفته
رشا .. ايه دا ؟!!
علي .. دا الكباب والكفته اللي انتي بعتي جبتيهم .. بس عفارم عليكي الاكل جه في وقته اصل احنا كنا جعانين اوي !! وبعدين الاخ ثروت عنده دخله كمان شوية ولازم يتغذي كويس .. ولا ايه يا ثروت ؟!!
ثروت .. ايوا عندك حق .. ههههههه
رشا .. بس انا مطلبتش اكل من بره !!
علي .. خلاص يبقي رزق وربنا بعتهولنا .. شغلي بس الكاسيت وهزي شوية خلينا ننبسط يا مزه
رشا تشغل ال DVD ونسمع اغنيه طفيها ياللي انت مولع نار قلبي طفيها .. وتبدأ ترقص وثروت ينظر اليها بكل تركيز وهي تتمايل يمينا ويسارا وكل ما يلاحظ ان كأسه قد فرغ من الخمر يطلب من علي ان يصب له كأس آخر حتي اصبح في حالة سكر تام وفجأة يقول ل علي
ثروت .. سامع بتقلك ياللي انت مولع نار قلبي طفيها !!
علي .. خلاص قوم طفيها
ثروت .. عندك حق
ثم ينهض ويتوجه ناحية رشا ويحاول ان يقبلها بالقوة ورشا تمنعه
رشا .. انت بتعمل ايه يا حيوان ؟!!
ثروت .. هطفي نار قلبك يا جميل !!
رشا .. ابعد عني يا حيوان انت
ثروت .. ابعد ازاي وانا كلي شوق يا قمر !!.. هاتي بوسة
رشا .. علي .. ابعد الحقير دا عني
ثروت .. اسف دافع فلوس .. يعني مش من حقي امنعه .. ولا من حقك انتي كمان
ثروت .. ايوا ميقدرش يمنعني .. انا دافعله ١٠٠ الف جنيه دلوقتي عشان اطولك يا قمر
رشا .. اه يا سافل انت وهو
علي .. هههههه دا علي اساس انك ملكيش في السفالة زينا !! .. اعتبريه زبون زي اي زبون ..في صحة دخلك يا عريس
ثروت يحاول ان يعتدي علي رشا بكل وسيلة ورشا تقاومه بما لديها من قوة وهي تصرخ وتستغيث وتخرج دادا فاطمه من المطبخ علي صوت رشا فيراها علي فينهرها
علي .. ادخلي جوة يا ست انتي
فاطمه تعود الي المطبخ بكل اسي وحزن
وفجأة يشعر ثروت بألم شديد في بطنه فيتوقف عن مطاردة رشا بعد ان مزق ملابسها امام علي
ثروت.. اه ..
علي .. مالك
ثروت .. مغص جامد في بطني
ثم يتقيأ علي الارض
ثروت .. الحقني يا علي بموت
علي .. ايه مالك ؟!! الاكل فيه حاجة والا أيه ؟!!
ثروت .. انت لسه هتسألني ؟!؟ وديني المستسفي بسرعة يا بني آدم مصاريني بتتقطع يا جدع !!
علي .. طب يلا بينا بسرعة
ويغادر علي وثروت الشقة وهو يتأوه من شدة الالم وتنهض رشا من علي الارض وتقترب ناحية المنضدة التي فوقها الطعام وتنظر اليه في دهشه ثم تمسك بالورقة التي لُف بداخلها الكباب والكفته فتقرأ كلمه "الهداية"
رشا .. الهداية !! فين المطعم دا ؟!! مش مكتوب عنوان علي الورقة ؟!!
ثم تلمح صوره موضوعة داخل لفة الطعام فتسحبها وتنظر اليها فتنصدم عندما تري صوره لها وهي ترتدي جلباب ابيض وطرحة بيضاء تجلس علي سجادة صلاة وتقرأ في مصحف ثم تقلب الصورة فتجد كلمة "هانت" مكتوبه علي ظهر الصورة
رشا .. مش معقول اللي بيحصل دا !!!
تابعوني والبارت التالي بعد دقائق علي مدونتي ( مدونة مالك الزعيم ) تحياتي ..
#محمد_مالك
اكثر من رائعة
ردحذف