رواية لحظات مؤلمة
البارت السابع عشر
للكاتب المصري محمد مالك
جميع الحقوق محفوظةفايز مرتبك .. دا .. دا .. دا عدم لامؤاخذه دم فرخة .. اصل انا من شوية كنت دابح فرخة من الفراخ اللي انا مربيها علي السطوح
هشام .. اها .. يعني دا دم فرخة مش دم القتيل ؟!!
فايز .. قتيل !! قتيل مين سعتك ؟؟!!
هشام .. صبحي !!
فايز .. صبحي !! لا لا ياباشا انا عمري ما اقتل صحبي وجاري وعشرة عمري ابدا !! انت فاهم غلط سعتك !!
هشام .. هنشوف .. هاتوه
ونعود الي شيرين الذي حضر زوجها اكرامي كي يصالحها حتي تعود الي المنزل مره اخري وهي يجلس مع ابيها
اكرامي .. صدقني يا عمي اللي حصل دا زعلنا احنا كمان ويمكن اكتر منكم كمان والله
احمد .. عارف يابني من غير ما تحلف .. الله يرحمها بقي ويسامحها
اكرامي .. وصدقني والله انا ما اعرف انها كانت علي علاقة بأخويا هيثم وانهم كانوا بيتكلموا مع بعض او حتي بيتقابلوا !!
احمد .. صادق يابني
اكرامي .. طب ليه بقي شيرين زعلت مني وسابت البيت ؟!! انا ايه ذنبي في اللي حصل ؟!!
احمد .. انا عاتبتها جامد عشان سابت البيت .. بس انا عاوزك تعذرها يابني اختها ماتت قدام عنيها برضوا ودا شئ مش سهل
اكرامي .. عارف يا عمي .. وعازرها صدقني.. بس انا برضوا مقدرش اعيش من غيرها .. الشقة من غيرها خراب والله
احمد .. انا هقوم ادخلها واكلمها وهخليها تروح معاك
اكرامي .. ياريت يا عمي تقنعها بجد وتخليها تروح معايا .. اكون ممنون لحضرتك
احمد .. ان شاء الله .. اشرب انت بس القهوة بتاعتك وانا طالعلك حالا
اكرامي .. اتفضل يا عمي
ويدخل احمد غرفة شيرين للتحدث اليها واكرامي يمسك فنجان القهوة وينظر يمينا ويسارا وكأن يتأكد من عدم وجود احد يراه !!
ونذهب الي شيرين حيث دخل ابيها اليها الغرفة ويراها تتحدث في التليفون
شيرين .. اتقتل!! ازاي ؟!! .. اها .. اها .. حاجة غريبة بجد !! هاجي يا فندم اكيد ..اوك .. مع السلامة
احمد .. فيه ايه يا شيرين ؟!!
شيرين .. تصدق يا بابا الراجل الاخرص اللي ساكن في العماره اللي قصادنا اللي فضل يشاورلي انا والمرحومة نورا لما كنا واقفين في البالكونة عشان ندخل جوا راحو انهارده شقته عشان يستدعوه لقيوه مقتول جوة الشقة !!
احمد .. يا ساتر يارب !! ومين قتله يا بنتي ؟!!
شيرين .. لسة مش عارفين بس الظابط هشام عاوزني اروح اشوفه عشان اقول اذا كان هو دا نفس الشخص ولا لا
احمد .. مفيش مشكلة يا بنتي روحي .. المهم اكرامي بره دلوقتي
شيرين بغضب .. ودا جاي عاوز ايه ؟!!
احمد .. عاوزك ترجعي معاه البيت
شيرين .. مستحيل طبعا ..
احمد .. شيرين من فضلك اهدي عشان متخربيش بيتك بدون سبب
شيرين .. يابابا انا مستحيل ارجع بيت الرعب دا تاني !!
احمد .. استهدي بالله وطلعي الاوهام دي من دماغك .. ماشيطان الا بني آدم
وفجأة يُسمع صوت غريب بالصالة ؟!!!!
تم
ردحذفتم
ردحذفجميلة جدا جدا
ردحذفحلوة اوي ..بس حضرتك عاملنا لحمة كدة من كتر القصص الي بتنزلها مرة واحدة لدرجة انك بتطول علينا لما تنزل جزء جديد من كل قصة فبنحس بصعوبة بتذكر احداث القصة ده غير انه ما بنقدرش نركز ولا نحفظ احداث او اسم القصة وممكن نضطر نراجع الحلقات الي قبل علشان نفتكر الاحداث
ردحذفخرجع واوقول لحضرتك الافضل لو تخلصلنا رواية رواية وتكملها للنهاية
فين باقي جزءالاخير من ذئب في الكواليس
ردحذفالجزء صغير ومفهوش احداث كتتير بس
ردحذفوتسلم ع كتابتك
انا نسيت كنت اخر حاجه بارت كام
ردحذف