رواية سفاح الكوابيس
البارت الثاني والثلاثون
للكاتب المصري محمد مالك
امين منزعج لا يصدق .. انتي بتقولي ايه ؟!!الممرضة .. بقول لحضرتك البقاء الله .. مدام خديجة اتوفت من ربع ساعة
امين .. خديجة ماتت !! لا حول ولا قوة الا بالله العلي العظيم .. ثم تدمع عيناه
الوكيل حزين .. لا اله الا الله .. البقاء لله .. شد حيلك يا استاذ امين
امين ..دي كانت كل حاجة في حياتي هي وولاء !! اللهم اني لا اسألك رد القضاء ولكني اسألك اللطف فيه ..
الوكيل .. شد حيلك امال انت راجل مؤمن بالله
ونذهب الي المستشار عبد الحكيم درويش والد المرحومة همت حيث يتصل به احد المجهولين ويقوم بتهديدة
المستشار صوت حزين .. الو
المجهول .. معالي المستشار .. اولا البقاء لله في بنتك .. ثانيا اسمع الكلمتين دول لو مش عاوز موضوع بنتك همت يتكرر تاني مع ابنك مصطفي
المستشار .. انت مين ؟!!
المجهول .. اسمع ومتقاطعنيش .. طارق فرويز يخرج برآة من القضية بتاعته يا اما وشرفي لأحزنك علي ابنك مصطفي سلام ....
ثم يغلق الخط وعبد الحكيم مندهش
ونذهب الي سهير المغربي التي تجلس الان امام وكيل النيابة ومواجهه ساخنه
سهير .. كداب .. كل الكلام اللي قاله التربي الزفت دا كدب
الوكيل .. يعني انتي مبعتلوش مع مدير اعمال شوكت عشان يتفق معاه ويعترف علي نفسه انه هو اللي خطف همت بنت المستشار عبد الحكيم وقتلها؟! وبعد ما قتلها قاد دافنها في الحوش بتاعك؟!!
سهير .. قلت لسيادتك دا راجل كداب ومأجور
الوكيل .. مين اللي مأجره يعني ؟!
سهير .. اظن قلت لسيادتك قبل كدا اني سيدة اعمال ناجحة واعدائي كتير وسميت لحضرتك منهم ناس .. دور انت بقي وشوف مين اللي قاصد يورطني في قصة زي دي
الوكيل يرن الجرس ويدخل العسكري
العسكري .. تمام يافندم
الوكيل .. هاتلي عطية ابو السعود يابني
العسكري .. حاضر يا فندم
ويدخل عطية خائف مرتبك ينظر الي سهير بكل خوف والتي تنظر الي في غضب وغيظ شديد
الوكيل .. تعالي يا عم عطية متخافش .. قلي يا عم عطية مين اللي سلطلك وقالك تيجي تقلي الكلام اللي انت قلتهولي امبارح ؟!!
عطية متردد وخائف .. مدام سهير
سهير غاضبة .. اخرص قطع لسانك راجل جربوع !! مين اللي سلطك وقالك تقول الكلام دا عليا يا حيوان ؟!!
الوكيل .. اها .. وقالتلك تقول كدا وهتدفعلك كام ؟!
عطية .. مليون جنيه يا سعت الباشا
الوكيل .. اخدت من المليون جنية دول حاجة يا عم عطية ؟!!
عطية .. اخدت ٢٠٠ الف جنيه يا باشا
سهير .. دا راجل كداب متصدقهوش يا سيادة الوكيل
الوكيل .. بس احنا فعلا لما فتشنا شقة عطية لقينا مبلغ ٢٠٠ الف جنيه فعلا !!
سهير .. طب وانا مالي .. ما جايز يكون سارقهم ! ما هو شكله دا بيقول انه حرامي ونصاب
عطية .. انا حرامي يا ست هانم ! الله يسامحك
الوكيل .. طيب الفلوس ممكن نقول انه سارقهم .. طيب واحنا بنقلب في المبلغ لقينا ورق فئة ٢٠٠ جنيه عليه ختم الشركة بتاعة حضرتك!! هو كمان سرق الختم ؟!!
سهير ترتبك .. عادي دي فلوس بتلف الدنيا كلها انهارده في جيبي بكره في جيبك وياما بتقع تحت ايدي فلوس عليها اختام واكلاشيهات ياما
الوكيل .. ايوا بس مش فلوس جديدة وجوة كيس عليه شعار الشركة بتاعتك
ثم يخرج لها الكيس فتراه فتنزعج بشدة
سهير .. عادي برضوا .. وزي ما قلت لحضرتك دا انسان مأجور عشان يورطني في مشكلة انا ماليش علاقة بيها
الوكيل .. هو مين اغتصب همت قبل ما تموت ؟!!
سهير .. مش طارق ابني صدقني
الوكيل يضحك فيبدوا ان سهير تسرعت في الاجابة فجعلها تقع في الخطأ وتعترف بالحقيقة بدون قصد
الوكيل .. ههههههه .. انتي تعرفي ان همت انتحرت مش اتقتلت ؟!!
سهير .. وانا مالي !!
الوكيل .. اها .. طيب تعرفي واحنا بنعاين جثة همت لقينا علي هدومها اثار دم تانية غير دمها طبعا وبالتحليل لقينا ان الدم دا دم ابنك طارق !!
سهير .. طارق !! لا يمكن طبعا
الوكيل .. هي دي الحقيقة يا ست سهير يا سيدة الاعمال المرموقة .. انتي متهمة انتي وابنك طارق بأختطاف انثي واحتجازها وتعذيبها واغتصابها وايضا دفعها علي الانتحار
سهير .. محصلش .. محصلش
الوكيل .. اكتب عندك .. امرنا نحن وكيل النائب العام حبس المتهمة سهير محمد المغربي اربعة ايام علي ذمة التحقيق واستدعاء المدعو طارق فرويز للمثول امامنا باكر لمواجهته بتقرير الطب الشرعي وتحريات المباحث وشهادة الشهود واقفل المحضر في ساعته وتاريخة ..
الاحداث ولعت يا جدعان .. تابعوني وبارت كمان من هذه الرواية الشيقة المثيرة ..
تحياتي ..
حلوة اوي كمل لو سمحت
ردحذف