عشقت زوجة ابي كاملة

رواية وظننتها مات

للكاتب المصري محمد مالك

البارت الاول

الرواية دي بقي غير كل اللي فات .. الرواية دي تحدي من ملك الروايات ..الغاز وغموض مالوش اول من آخر .. اثارة وتشويق من الآخر .. ولو مش مصدق اقري بنفسك بس اوعي تخاف وتقلق وتتاخر ؟!!
انا وداد عاطف ابو المجد مدرسة احياء ثانوي  المفروض ان عمري من خمس سنين كان ٢٨ سنة مش متجوزة او بمعني ادق من قبل الخمس سنين دول انا مكنتش متجوزة لأن نصيبي كان لسة مجاش زي بنات كتير اتأخرت في الجواز اخر حاجة فاكراها اني قضيت يومي عادي رحت المدرسة الصبح وكان عندي ٣ حصص في جدول اليوم ده وبعدها روحت البيت غيرت هدومي ودخلت المطبخ وطبخت اكل ليا انا واخواتي الصغيرين مريم ١٣ سنة وهشام ١٠ سنين وطبعا بابا عاطف ابو المجد مقاول معمار اما ماما بقي فاتعيشوا انتوا بقي اتوفت من ٨ سنين .. احنا كنا ساكنين في حي السيدة زينب في بيت قديم من دورين بس كنا مبسوطين اوي وفرحانين لأن بصراحة بابا كان بالنسبة لنا اب وام وصديق وكنا كلنا بنحب بعض اوي وبنخاف علي بعض جدا .. المهم انا حضرت الغدا..  انا فاكره وقتها كنا طابخين بامية وكان جمبها شوية رز مفلفل بالشعرية .. المهم اتغدينا وانبسطنا وحلينا كمان بشوية موز حلوين وقعدت بقي ذاكرت لأخواتي شوية لحد ما جه الليل وبابا نزل القهوة واخواتي دخلوا يناموا عشان المدرسة الصبح وانا قعدت قدام الدش وفضلت اقلب في المحطات لحد ما لقيت فيلم زهايمر بتاع الزعيم عادل امام كان اول مرة اتفرج عليه واتأثرت بيه جامد وعيطت ساعتها .. ازاي ولاد يعملوا كدا في ابوهم عشان الفلوس !!  فيلم انساني بجد .. المهم خلصت الفيلم ودخلت نمت عشان بعدها الاقي نفسي نايمة في اوضة طويلة عريضة فيها حمام كبير بالظبط شبه اوضة الزعيم اللي فيلم زهايمر .. انا استغربت فين الاوضة الصغيرة اللي في بيتنا القديم اللي حيطانها مكسرة وبباضها واقع ؟!! المهم قمت واول حاجة عملتها اني بصيت في الموبيل بتاعي .. بس دا مش الموبيل بتاعي !! دا ايفون !! انا كان معايا موبيل سامسونج زراير كمان مش تاتش!! فتحت الموبيل لقيت صورتي خلفية للشاشة .. يعني دا موبيلي !! طب انا جبته امتي وواضح انه غالي جدا .. المهم بصيت في التاريخ لقيته ١٨ /٨ /٢٠١٩.. ايه !!! احنا كنا في ٢٠١٤ !! ازاي بقينا في ٢٠١٩ .. قلت اكيد التاريخ مش مظبوط .. المهم اخدت بعضي وانا متوتره ومش فاهمه حاجة وخرجت من الاوضة لقيت في طرقة كبيرة ومليانه اوض !! ايه ده انا في فيلا !! امال فين بيتنا القديم ؟! وفيلا مين دي اصلا ؟!! وازاي انا جيت هنا ونمت كمان ؟!! المهم نزلت تحت لقيت بابا فرحت وابتديت اطمن جريت عليه بسرعة وقلتله
وداد .. صباح الخير يا بابا
عاطف .. بابا ؟!! حلوه دي .. وماله بابا بابا .. صباح الفل يا نوجا
وداد .. نوجا !! نوجا مين
عاطف .. نوجا .. دلع ل نجوي .. هو انتي نسيتي اسمك الدلع يا نجوي ؟!
وداد .. نجوي مين ؟!! انا اسمي وداد .. ايه يا بابا انت هتهرج ع الصبح ؟!!
عاطف .. بابا تاني ؟!! ايه حكاية بابا معاكي انهارده ؟!! طب غيري شوية .. خليها مرة بابا ومرة جوزي حبيبي
وداد .. جوزي !! جوزي ازاي ؟!! انت ابويا عاطف ابو المجد وانا بنتك وداد .. وبعدين ايه المكان ده ؟!! ڤيلة مين دي ؟!!
عاطف .. ڤيلة مين ؟!! ايه الحكاية يا نوجا .. دي ڤيلتي اللي اتجوزنا فيها يا حبيبتي وعشنا فيها اجمل سنين عمرنا ..شكلك بتهزري ..صح ؟!!
وداد .. بهزر !! واتجوزنا !! هو في اب بيتجوز بنته !! هي ايه الحكاية بالظبط هو دا حقيقي ولا دا كابوس بسبب الفيلم اللي اتفرجت عليه امبارح
عاطف .. فيلم !! فيلم ايه ؟!!
وداد .. فيلم زهايمر بتاع الزعيم عادل امام
عاطف.. فيلم زهايمر وبتاع الزعيم !!يعني فيلن عربي ..  انتي بتهرجي؟!!  انتي اصلا مبتحبيش الافلام العربي افلامك كلها يا اما اجنبي يا اما هندي وامبارح كنتي سهرانه قدام فيلم لشاروخان ونازلة عياط كمان
وداد .. ايه اللي انت بتقوله ده ؟!! الكلام دا محصلش
عاطف .. لا حصل .. بس انتي شكلك منمتيش كويس انهارده .. روحي يا حبيبتي خديلك شاور عشان تفوقي وانا هخلي الدادا تحضر الفطار ثم يقبلها في شفتيها
وداد .. انت ايه اللي عملته ده ؟!!
عاطف .. ايه ببوسك عادي
وداد .. في حد يبوس بنته كدا ؟!!
عاطف .. بنتي تاني ؟!! لا دا انتي اعصابك تعبانه بجد .. بعد ازنك
وسابني ومشي وانا في حيرة كبيرة ومش مصدقه حاجة خالص ولا فاهمه ايه اللي بيحصل دا وازاي بابا اتغير فجأة كدا وبقي يقول كلام غريب .. معقول يكون بيهرج ؟!! طب انا فين ؟!! وازاي مر خمس سنين من غير ما احس ؟!! عايزة حد يفهمني ايه اللي حصل .. فجأة لمحت بعيني مريم اختي وهشام اخويا .. بس دول اتغيروا اوي مريم بقت عروسة جميلة وهشام كمان الشنب خط في وشه المهم جريت عليهم وقلتلهم
وداد .. انتي مريم وانت هشام .. معقول تكونوا كبرتوا كدا من غير ما احس ؟!!فهموني يا اخواتي ايه الحكاية بالظبط ؟!
مريم .. اخواتك !!
هشام .. ايه يا ماما هو احنا عشان كبرنا شوية هتعملينا خلاص اخواتك؟!! ..
مريم .. يا عبيط افهم .. هي بتقول كدا عشان الحسد .. مش شايف ازاي حلوه واموره وصغيرة كمان وعندها اتنين شحطة زينا .. ليكي حق يا ماما تقولي علينا اخواتك لأن بجد محدش هيصدق ابدا اننا ولادك
وداد .. ولادي ؟!!!
القصة في الغموض والاثارة والتشويق .. تحياتي ملك الروايات المصرية .. السيناريست والكاتب المصري محمد مالك.