عشقت زوجة ابي كاملة

رواية دموع جافة

البارت الثاني

للكاتب المصري محمد مالك

سعودي يلاحظ اضطراب الفتاه الشديد وارتجافها وعدم السيطرة اطلاقا علي اعصابها  ينهض ويحاول مساعدتها في الجلوس قائلا
سعودي .. علي مهلك .. هات كباية ميه يا عم حسن
حسن .. حاضر يا دكتور
الفتاه متوتره بشدة تلتقط انفاسها بسرعة بالغة ويأتي حسن بكوب الماء
سعودي .. اشربي المية
الفتاه تمسك بكوب الماء الذي يكاد ان يسقط من يديها بسبب رعشتها الشديدة
سعودي .. هات عصير لمون يا عم حسن
الفتاه بعصبيه ورد جاف .. لا مش عاوزة
سعودي يتعجب من رد الفعل .. طب روح انت يا عم حسن واقفل الباب وراك
سعودي .. متخافيش . اهدي من فضلك .. ممكن اعرف اسمك ايه ؟
الفتاه .. اسمي ؟!! .. انا اسمي اااا .. انا اسمي !! مش عرفة !!!
سعودي .. مش عرفة اسمك ازاي ؟!! طب انتي ساكنه حوالينا هنا ولا ساكنه فين ؟!!
الفتاه .. مش فاكره ؟!!
سعودي .. مش فاكره ساكنه فين كمان ؟!! طيب بعد ازنك اطلعي علي السرير عشان افحصك
الفتاه تقلق .. ليه ؟!!
سعودي .. متخافيش .. عشان اطمن علي ضغطك وضربات قلبك واعصابك .. اتفضلي
ويفحص سعودي الفتاه ويطمئن علي حالتها البدنيه ولكن يلاحظ بعض اثار الضرب او التعذيب منتشرة في اماكن متفرقة من الجسد فيعتقد انها قد تعرضت لحادث من الممكن ان تكون قد بسببه الذاكره مؤقتا
سعودي .. انا ملاحظ في كدمات في جسمك .. هو انتي اتعرضتي لحادث او حاجة ؟!!
الفتاه .. انا ؟!! مش عرفة
سعودي .. من فضلك اتكلمي معايا .. طب انتي عرفة انتي فين دلوقتي ؟!!
الفتاه .. انا هنا عندك
سعودي .. عندي فين ؟!! ايه المكان اللي انتي فيه ده ؟!!
الفتاه .. عيادة امراض نفسية
سعودي .. طيب كويس .. طب حضرتك شرفتيني هنا ليه ؟!!
الفتاه .. عشان تعبانه .. تعبانه اوي اوي
سعودي .. تعبانه من ايه ؟! اتكلمي فضفضي عن اللي جواكي
الفتاه .. مش عرفة .. بس انا تعبانه بجد
سعودي .. اوك عرفت انك تعبانه .. ايه سبب تعبك ؟!!
الفتاه .. مش بنام ومش باكل ودايما بيضربني
سعودي  .. مين اللي بيضربك ؟!! جوزك ؟!!
الفتاة .. جوزي !! انا مش متجوزة
سعودي .. بس انتي لابسة دبلة في ايدك الشمال !!
الفتاه .. هو اللي قالي البسيها
سعودي .. مين اللي قالك البسيها ؟!!
الفتاه .. اللي بيغتصبني
سعودي .. مين دا ؟!!
الفتاه .. مقدرش اقول هو سامعني دلوقتي وشايفني .. ولو قلتلك هيقتلك ويقتلني
سعودي .. لا متخافيش انا هدافع عنك ومش هيقدر يلمسك .. بس قولي مين هو
الفتاه .. ارجوك ساعدني .. ثم تبكي بكاءا شديدا
سعودي .. اهدي من فضلك .. انا هساعدك اكيد بس اتكلمي بكل صراحه عشان اقدر اساعدك
الفتاه تنتفض وتنظر الي الامام وتركز النظر
سعودي.. مالك ؟!!
الفتاه .. جه وقاعد قدامي
سعودي .. مين دا اللي جه وقاعد قدامك؟!!
الفتاه .. لا ارجوك متقتلنيش انا مش هعمل كدا تاني .. حرام عليك سيبني في حالي
الفتاه تبدأ في الانهيار وسعودي يحاول تهدئتها
سعودي .. اهدي من فضلك
الفتاه .. حوشه عني ارجوك ..
سعودي .. طب اهدي متخافيش .. حسن .. يا عم حسن . راح فين بس ؟!! استني هجبلك حقنه تهديكي
ثم يخرج الي الصالة فيجد حسن عائدا من الشارع
سعودي .. كنت فين يا عم حسن
حسن .. رحت اجيب لمون عشان اعملها عصير اللمون
سعودي .. طب تعالي بسرعة امسكها معايا عشان اديها حقنه مهدئة
يعود سعودي الي حجرة الكشف فلم يجد الفتاه
سعودي .. غريبة !! راحت فين ؟!! دي كانت هنا حالا!!
ثم يلمح بطرف عينيه قطه سوداء تجري مسرعة الي الخارج ويمر شبح مخيف امام حسن فيراه حسن وينظر اليه الشبح في غضب شديد وفجأة يصرخ حسن قائلا
حسن .. عيني .. عيني
سعودي .. مالك يا عم حسن ؟!!
حسن .. عيني طفت مرة واحدة ومش شايف بيها !!
سعودي .. ايه !! ازاي ؟!!
الرواية قوية وفي منتهي الغموض والاثارة والرعب .. شارك المنشور في ثلاث مجموعات لتصلك باقي الرواية .. تحياتي ملك الروايات المصرية محمد مالك.