القائمة الرئيسية

الصفحات

رواية جثة من مصدر مجهول 

البارت الاول 

للكاتب المصري محمد مالك

عاد الي منزلة الساعة الثانية صباحا بعد ان انتهي من فحص جميع المرضي وعمل اللازم لهم انه يس عبد السلام طبيب اسنان يبلغ من العمر اربعون عاما توفت زوجته وابنه الوحيد منذ ثلاث سنوات في حادث سير اثناء عودتهم من رحلة سياحية بالاقصر واسوان وبعد ان دخل الي شقته بدأ يسمع صوتا غريبا وكأنه أمرأة تأن من الالم وتتأوه .. يركز ليعرف مصدر الصوت .. الصوت قادم من غرفة النوم يتوجه مسرعا نحو غرفة النوم بعد ان يشهر سلاحة المرخص يتقدم نحو باب الغرفة ببطء شديد وحذر ثم يضئ مصباح الغرفة ويلقي بنظره ناحية السرير فيجد امرأة نائمه علي السرير والدماء تحيط بها وسكينا كبيرا مرشوقا في بطنها المرأة تستغيث
المرأة .. الحقني ارجوك هموت ..
يس .. انتي مين ؟!! ودخلتي هنا ازاي ؟!!
المرأة .. اطلب الاسعاف بسرعة انا بموت
يس .. انتي دخلتي هنا ازاي ؟! ومين اللي عمل فيكي كدا ؟!
المرأة .. مفيش وقت ارجوك انقذني
يس .. حاضر .. هطلب الاسعاف . يا حول الله يارب .. مين دي وجت هنا ازاي ؟!
وفجأة يجد يس الشرطة خلفة
الضابط .. امسكوه
يس .. ايه في ايه ؟!
الضابط .. هو انت قتلتها وكمان بتتفرج عليها ؟!! دا انت جاحد اوي يا راجل !! ثم يتحدث باللاسلكي .. ايوا يا فندم البلاغ مظبوط .. تم العثور علي سيدة الاعمال يسرا امين في الشقة المبلغ عنها وقد تلاحظ ان الجاني قام بالاعتداء عليها وقتلها باستخدام سكين ..
الضابط الاخر .. اطلب الاسعاف بسرعة واعمل اللازم
الضابط الاول .. علم يا فندم .. اطلب الاسعاف بسرعة يابني .. وانت تعالي معايا
يس .. انا معملتش حاجة انا جيت لقيتها كدا صدقني
الضابط .. الاسطوانة المشروخة بتاعة كل مجرم دا انت وقعتك سودة .. هاتوه
يس .. انتوا هتودوني فين ؟!؟ انا معملتش حاجة .. انا معرفهاش
.. بداية مثيرة والقصة شيقة وبها مفاجآت .. تابعوني والبارت التاني من الرواية .. تحياتي الكاتب والسيناريست المصري محمد مالك.
هل اعجبك الموضوع :

تعليقات

تعليق واحد
إرسال تعليق

إرسال تعليق