رواية اغتصاب شرعي البارت العشرون والاخير من الجزء الثاني

رواية زوجي من عالم سفلي كاملة

للكاتب المصري محمد مالك

[٩/‏٥ ٨:١٨ م] محمد مالك: الرواية التي اقشعرت لها الابدان وتوقفت عندها العقول
زوجي من عالم سفلي
للكاتب المصري محمد مالك
البارت الاول
اسمي سمر مهندسة ديكور سني ٢٨ سنة بابا اتوفي من خمس سنين وكنت عايشة مع ماما واختي سها بتدرس في تالتة صيدلة .. زي اي بنت كل حلمي اني يجيلي عريس كويس ومحترم وابن ناس ويكون مستواه المادي كويس ويقدر يعيشني عيشة محترمه حلم بسيط مش كبير ودا كان نفس اللي بتتمناه ليا ولاختي نفسها تفرح بينا وتشوفنا في بيت العدل قبل ما تموت ..مقدرش اقول اني متدينة هبقي بكدب عليكم .. اه انا الحمد لله بحب ربنا اوي وبحاول علي اد ما اقدر معملش حاجة تغضبه بصلي بس مش مداومة بصراحة .. بحب اسمع اغاني رومانسية واتفرج علي الاكشن وافلام الرعب .. اتقدملي ناس كتير بس بصراحة مكنوش مناسبين لاسباب مختلفة وكنا بنرفض علطول لحد ما جالي في يوم شاب وسيم طول بعرض وشعر ناعم وعنين ملونه شبه بالظبط مهند ويمكن اجمل بس الشكل كان اخر حاجة بالنسبة لي افكر فيها المهم عندي الاخلاق والحالة المادية ودا دايما اللي يهموا اي بنت وعيلتها .. اولا هو اسمه اياد خريج تجارة انجلش وعنده مكتب محاسبة وعربية احدث موديل من الاخر عيلته هاي اوي وعايشين في ڤيلا وعندهم فلوس كتير .. المهم زي اي بنت لما يجيلها عريس متعرفوش قبل كدا بتسأله او اهلها اللي بيسألوا انت شفتها فين ؟ انا سألته السؤال ده وكان الرد غريب .. قالي انا شفتك اول مرة في الحمام .. انا استغربت وقلت نعم ؟!! قام مصلح الكلام بسرعة وقال قصدي وانتي قاعدة جمب حمام السباحة في نادي المهندسين .. المهم اسلوبه كان غريب شوية وكان مرتبك ومتردد في الاجابة علي حاجات كتير بس كان عاجب ماما واختي اوي وشايفين انه عريس مناسب وكان مستعجل عايزنا نتجوز في خلال اسبوعين بحجة انه هيسافر علي الكويت عشان عنده شغل هناك المهم انا وافقت وقلت عريس كويس بغض النظر عن القلق اللي كان جوايا من ناحيته بسبب اسلوبه الغريب وشخصيته الشاذة وقلت لنفسي دا قلق طبيعي هيروح مع العشرة ولما اقرب منه واعرفة اكتر وتم الجواز بس كان في شئ غريب وهو حاطط ايده في ايد خالي عشان كتب الكتاب وبيردد ورا المأذون مكنتش شايفة غير خالي وبس اما هو مكنش باين لدرجة اني فكرت ان خالي ماسك الهوا بأيده واول ما شال المأذون المنديل وقال مبروك ظهر اياد وكانت عنيه حمرا وعرقان زي اللي عمل مجهود كبير انا قلت نفسي دي تهيقات دا بسبب توتر الجواز وكدا المهم اتحوزنا ورحت قعدت معاه في شقته في مصر الجديدة .. ولما دخلت الشقة لاحظت حاجة غريبة مفيش آية قرآن متعلقة ع الحيطة حتي آية الكرسي اللي جبتها وعلقتها ساعة الفرش اتشالت ولما سألته راحت فين قالي وقعت واتكسرت وهيجيب غيرها المهم غيرت هدومي وحضرت العشا واتعشينا وكان بياكل بطريقة شرهة جدا لدرجة اني ما أكلتش بسبب اني كنت مركزة لطريقته في الاكل وبعد كدا دخلنا اوضة النوم ولما قرب حسيت بنار وكانها بتحرق جسمي وقام بايسني في خدي وقالي ثواني وراجع معرفش راح فين بس حسيت بألم في خدي مطرح البوسة لما قمت اشوفه في المراية لقيت زي ما يكون حرق في خدي وكأني اتلسعت بالنار انا اتخضيت وبديت فعلا اقلق بجد بس مفيش دقيقتين ولقيت الدنيا بتلف بيا وغبت عن الوعي تماما عشان بعدها اصحي الصبح والاقي اياد في وشي وبيبتسم وبيقول مبروك يا عروسة .. قلتله ايه اللي حصل ؟!! انا آخر حاجة فاكراها اننا اتعشينا سوا وبعد كدا دخلنا اوضة النوم وانت بوستني .. ايوه بوستني..  وتتذكر الحرق في وجهها مكان البوسة فتنهض مسرعة لتراها في المرآة فلم تجد اثر للحرق فتتعجب ..
اياد .. وبعدين كملي؟
سمر .. بس بعدها اغمي عليا ومدرتش بحاجة
اياد.. دا من تعب الفرح يا حبيبتي بس .. المهم احنا خلاص دخلنا وبقينا اجمل عروسين في الدنيا
سمر بتعجب .. دخلنا ؟!! دخلنا امتي؟!!
اياد.. ما انتي بعد ما اغمي عليكي فقتي وقعدنا نهزر وندلع لحد ما دخلنا
سمر .. بس انا مش فاكرة حاجة من اللي بتقوله ده ؟!!
اياد .. معلهش دا بسبب الارهاق الجامد والتوتر اللي انتي فيه .. مبروك يا احلي سمر في الدنيا ثم يقبلها في خدها مرة اخري تشعر بحرارة شديدة بعدها فتضع يدها علي خدها وتنظر في المرآة فلم تجد اثر لشئ ثم تلتفت فلم تجد اياد فأين ذهب تذهب فتبحث عنه في جميع ارجاء الشقة فلم تجد له اثر وفجأة عندما تدور للخلف تجده واقفا ومبتسما يرتدي البرنس ويضع فوطة علي ظهرة
سمر بتعجب شديد .. انت رحت فين ؟!!
اياد .. دخلت الحمام اخدت شاور
سمر .. بس انا دورت عليك في الحمام والحمام كان فاضي مفهوش حد ؟!!!
اياد .. لا يا سمر انتي اعصابك تعبانه بجد .. ارتاحي شوية يا حبيبتي بعد ازنك ادخل اسرح شعري
سمر في تعجب واستنكار شديد لما يحدث ثم دخلت الحمام لتتأكد هل فعلا حدثت دخلة ام لا فتصاب بالصدمة عندما نظرت الي جسدها ....
الرواية في غاية الاثارة والمتعة تابعوني والبارت الثاني .. تحياتي الكاتب المصري محمد مالك.
[١٤/‏٥ ٧:٤٠ م] محمد مالك: رواية زوجي من عالم سفلي
البارت الثاني
سمر دخلت الحمام واتفاجأت ان نصها التحتاني محروق بالكامل زي ما تكون النار مسكت فيه قامت راقعة بالصراخ ومفيش ثواني بصت لقيت اياد قدامها
اياد .. مالك يا حبيبتي بتصرخي ليه ؟!!
سمر بتعجب ودهشة .. انت دخلت هنا ازاي؟!!
اياد .. من الباب طبعا
سمر .. لاء انا قافلة الباب ورايا وبالترباس كمان ثم تلتفت نحو الباب فتفاجأ ان الباب مفتوح فتقول
سمر .. مش معقول !! انا كنت قافلة الباب وبالترباس .. ازاي اتفتح ؟!!
اياد .. الباب كان مفتوح يا حبيبتي بدليل اني انا جوه اهوه
سمر .. مش معقول اللي بيحصل ده .. انا مش فاهمة حاجة بجد
اياد .. اهدي بس يا حياتي يلا بينا
وتدخل سمر الي غرفة النوم بصحبة اياد وجسدها يرتعش من الخوف والارتباك ثم يقول اياد
اياد .. جسمك كله بيرتعش .. اهدي عشان خاطري اروح اعملك كباية لبن دافية
ويذهب اياد ليجهز كوب اللبن الدافئ وتقوم سمر بتشغيل الكاسيت الذي بجوارها علي اذاعة القرآن الكريم فهي متعوده دائما انها عندما تشعر بقلق او خوف تستمع الي القرآن فتهدأ وكلما حولت الي محطة القرآن الكريم لا تمر ثواني الا وتجد المحطة وقد تغيرت الي اذاعة الاغاني ثم تعيد المحاولة فيتكرر نفس الموضوع وتعيد المحاولة مرة ثالثة وفي هذه المرة الكاسيت ينفجر محدثا صوتا عاليا وشرار شديد الاضاءة يجعل سمر ترتجف وترجع الي الخلف ليفاجأها اياد من خلفها وهو يحمل كوب اللبن الدافئ فترتجف ايضا عندما تراه
سمر .. يوووه يا اياد بتطلعلي فجأة كدا زي العفاريت وتخليني اتنفض
اياد .. وانتي ايش وصلك للعفاريت يا حبيبتي .. فيه ايه مالك؟!!
سمر .. الكاسيت فرقع مرة واحدة
اياد .. وماله فداكي الف كاسيت .. اشربي اللبن عشان تهدي شوية وروحي خدي شور سخن يهدي اعصابك
سمر .. شاور لا .. خايفة ابص لجسمي .. جسمي كله محروق من تحت
اياد .. محروق ؟!! ايه اللي بتقليه ده يا سمر ؟!! واتحرق من ايه ؟!!
سمر .. معرفش .. بس انا بصيت من شوية لقيت نصي التحتاني ده كله محروق
اياد .. وريني طيب
سمر .. لا ارجوك .. عشان خاطري يا اياد خليك جمبي ومترحش اي حته غير وانا معاك انا خايفة اوي ثم تلقي برأسها في حضنه
اياد .. متخفيش يا حبيبتي طول ما انا جمبك .. انتي اعصابك تعبانة شوية عشان كدا بيتهيئلك شوية حاجات .. بس حالا تبقي زي الفل
ويأتي المساء ويحين وقت النوم واثناء نوم سمر العميق تشعر بأن شئ ما يقترب من وجهها وكلما اقترب شعرت بحرارة شديدة ثم يقبلها وبعد ذلك يتوجه الي قدميها وتشعر بعد ذلك بأن هذا الشئ يتجول داخل منطقة الحوض محدثا لها الاما رهيبة تستيقظ بعدها لتفاجأ بانها تري في الظلام شبح فظيع فتصرخ بشدة ...
ماذا حدث بعد ذلك ؟؟ تابعوني والبارت الثالث .. تحياتي الكاتب والسيناريست المصري محمد مالك.
[٢١/‏٥ ٤:٤٥ م] محمد مالك: زوجي من عالم سفلي
البارت الثالث
للكاتب المصري محمد مالك.
بعد ما صرخت سمر لما صحيت ولقيت قدامها شبح فظيع قامت مولعة نور الاباجورة جمبها وفضلت تتلفت يمين وشمال ملقيتش الشبح اخدت نفس عميق وشربت شوية ميه واتشاهدت وبعد ما هديت بصت جمبها ملقيتش اياد استغربت هيكون راح فين ؟!! قامت ولبست الروب بتاعها وخرجت تدور عليه في الصالة وفجأة شافت قط اسود غطيس بينونو وصوته بشع .
سمر بخوف وتوتر .. بسم الله الرحمن الرحيم .. ايه اللي بيحصل ده ؟!!
ولعت نور الصالة وبتبص علي القط ملقيتهوش .. القط اختفي وفجأة وكالعادة يظهر لها اياد من الخلف
اياد .. مالك يا سمر .. في ايه يا حبيبتي ؟!
ايه اللي مصحيكي دلوقتي ؟!
سمر .. يوووه يا اياد قلتلك بطل تطلعلي فجأة كدا !! انا خلاص مبقتش حمل خضة كل شوية
اياد .. بعد الشر عليكي من الخضة يا حبيبتي .. ثم يمسك بيدها ويقبلها
سمر .. كنت فين ؟! مش قايلالك متقمش من جمبي وتسيبني لوحدي ؟!!
اياد .. غصب عني يا حبيبتي .. دخلت الحمام كنت محصور.. مالك بتترعشي ليه ؟!
سمر .. كابوس فظيع يا اياد .. كابوس فظيع .. وزي ما يكون حد جايب سكينة حامية ونازل تقطيع جوة الحوض عندي .. ولما صحيت عشان ادور عليك لقيت قط اسود غطيس بينونو بطريقة وحشة وبيبحلقلي
اياد .. لا يا سمر انتي مزوداها اوي !! اهدي شوية عشان كدا وحش عليكي
سمر .. لا يا اياد الشقة دي فيها غريبة !! زي ما تكون مسكونه
اياد .. مسكونة؟!!
سمر .. ايوا مسكونة بالعفاريت .. صدقني تعالي نسيب هنا يا اياد ونشوف مكان تاني انا مش مرتاحة هنا
اياد .. اهدي بس ما عفريت الا بني آدم .. انتي بتصدقي في الحاجات دي برضوا؟!!
وفجأة تشعر سمر بنزيف من اسفل ثم تنظر اسفلها فتري دم اسود داكن ينزل بغزارة ليصبح بركة علي الارض .. سمر ترتجف وتقلق بشدة
سمر .. الحق يا اياد .. نزيف شديد من تحت .. الحقني بسرعة
اياد .. اهدي يا سمر مفيش حاجة دي تهيآت
سمر .. تهيآت ايه ؟؟!! انت مش شايف النزيف
اياد .. اهدي بس .. اهدي
سمر .. ارجوك وديني عند ماما .. وديني عند ماما يا اياد لو سمحت انا بموت
اياد .. اهدي بس .. هوديكي حاضر
وتذهب سمر عند امها حيث تنام نوم عميق من شدة التعب والسهر والتوتر ونري امها واختها سها يجلسان بجوارها وفجأة تستيقظ سمر مرتجفة
سمر .. الشبح .. الشبح هيقتلني
الام .. اهدي يا سمر .. اهدي
سمر .. انا فين ؟!!
سها .. انتي عند ماما يا سمر
الام .. بسم الله الرحمن الرحيم .. قل اعوذ برب الفلق .. قل اعوذ برب الناس .. مالك يا بنتي بس ؟!
سمر .. اسكتي يا ماما .. لو حكيتلك علي اللي كان بيحصلي وكنت بشوفه هتقولي عليا مجنونة ..شغل عفاريت زي افلام الرعب
الام .. يا ساتر يارب .. انا قلتلك يا بنتي الشقة دي انا مش مرتحالها وريحها تقيله مش فاكرة لما كنا بنفرش وحطتلك الحجاب اللي عاملهولك الشيخ مبروك تحت المخدة .. دقيقتين ولقينا السرير ولع
سها .. ولا سور القرآن اللي كنا معلقينها ع الحيطة وفجأة اختفت كلها
الام .. لا الشقة دي فعلا مسكونة .. اعوذ بالله من الشيطان الرجيم .. مترجعيش هناك تاني يا بنتي زانا اكلم اياد يشوفلك غيرها .. اه انا مش مستغنية عنك
سمر .. ولو كنتي شفتي منظر بركة الدم اللي نزل مني فجأة ولونه اسود داكن
سها .. فعلا .. لونه كان غريب !! هو دا من ايه يا سمر؟!!
سمر .. انتي عرفتي ازاي ان لونه كان غريب ؟!
سها .. لأنه كان واضح قوي علي الهدوم اللي جيتي بيها
سمر .. يعني كان في دم فعلا؟!،
سها .. ايوه
سمر .. غريبة امال ليه اياد قالي ان دي تهيآت؟!!
سها .. تهيآت ايه يا بنتي انتي كنتي غرقانه من تحت
الام .. ودا من ايه يا سمر؟!!
سمر .. معرفش يا ماما اول مرة تحصلي حاجة زي دي!!
الام .. لا .. لازم تروحي تكشفي متستكيش قومي افطري وبينا ع الدكتورة نسرين تطمنا عليكي  وتقول ايه الحكاية بالظبط
وتذهب سمر الي طبيبة امراض النساء والتوليد وبعد الفحص تخبرها بكارثة...
الاحداث اشتعلت والقصة اصبحت في غاية التشويق .. تابعوني والبارت الرابع من الرواية .. تحياتي الكاتب والسيناريست محمد مالك.
[٢٣/‏٥ ١٠:١٣ م] محمد مالك: زوجي من عالم سفلي
للكاتب محمد مالك
البارت الرابع
ذهبت سمر وامها الي طبيبة النساء والتوليد وبعد فحص الطبيبة ل سمر قالت.
الام .. خير يا دكتورة سمر فيها ايه؟!!
الطبيبة .. خير ان شاء الله .. قليلي يا سمر انتي متجوزة بقالك اد ايه ؟!!
سمر .. يعني بقالي اسبوع دلوقتي
الطبيبة .. ياااه !! دا انتي لسة عروسة جديدة .. طيب قليلي هو انتوا ليه مدخلتوش لحد دلوقتي ؟!!
سمر .. لا هو قالي هو احنا دخلنا من اول يوم
الطبيبة .. قالك !! ليه هو انتي مش عرفة اذا كان دخل عليكي ولا لا ؟!!
سمر .. بصراحة انا فجأة اغمي عليا ولما صحيت تاني يوم قالي ان احنا دخلنا
الطبيبة .. بصراحة كلام مش منطقي !! طب ايه رأيك انك ما زلتي عذراء
سمر .. عذراء ازاي ؟!!
الطبيبة .. عذراء يا سمر يعني مفيش جماع حصل بينك وبين جوزك .. طب هو مقربش منك تاني من ساعة المرة دي؟!!
سمر .. بصراحة لا .. لأن في شوية لخبطة دلوقتي مخليانا متوترين جامد
الام .. هي ايه الحكاية بالظبط يا دكتورة ؟!!
الطبيبة .. هو باين في الاشعة والفحص انك لسة عذراء وباين كمان ان في حاجة غريبة بتحصل جوة عندك
سمر .. يعني ايه ؟!!
الطبيبة .. مش لاقيالها تفسير علمي بصراحة او بمعني ادق خلينا لما يتم فض غشاء البكارة عشان افحصك كويس واقدر اقرر
الام .. طب والنزيف ده سببه ايه
الطبيبة .. صدقيني مش قادرة اوصل لسبب محدد لكن الاشعة بتقول ان الرحم والمبايض كويسين جدا .. بصي خلينا بعد ما تم الدخلة بشكل صحيح لأنه حايز عشان اول مره والتوتر اللي انتم فيه فمتمش فض غشاء البكارة لأني بصراحة عاوزة افحص المهبل
سمر .. بس انا مش فاهمة حاجة ومش عرفة انا سبب النزيف دا ايه بالظبط
الطبيبة .. صدقيني انا مش لاقية تفسير علمي ل ده انتي اول حالة تعرض عليا بالشكل ده .. ع العموم خلينا للزيارة الجاية افضل
وتنصرف سمر وامها ولا تجد تفسيرا واضحا لما حدث ولا تعلم ان الجني يعاشرها معاشرة الازواج ولكن بطريقته هو كمخلوق مختلف تماما عن الجنس البشري وتعود الي منزلها في المساء وتحضر معها وجبة دسمة من السمك والجمبري والكابوريا ولا تجد زوجها بالمنزل يبدوا انه ما زال بالعمل فجهزت مائدة العشاء واضأت الشموع وارتدت قميص نوم فاخر وتزينت لزوجها فهذه المره تريد ان تتم الدخلة بشكل صحيح وهو واعية لما يحدث وبعد ان تعد المائدة تدخل الي غرفة النوم فتجد اياد يبدل ثيابه فتنزعج مندهشه
سمر .. ايه ده .. انت جيت امتي ؟!!
اياد .. من شوية
سمر .. ودخلت منين ؟!!
اياد .. ايه دخلت منين ؟!! من الباب طبعا
سمر .. لا يا اياد انا قافلة الباب من جوة بالترباس وقلت لما يجي اياد هيرن الجرس
اياد .. محصلش الباب مش مقفول بالترباس بدليل اني فتحت ودخلت
سمر .. لا يا اياد الباب كان مقفول بالترباس انا متأكدة من كلامي
اياد .. تاني يا سمر !! انا قلت لما قعدتي يومين عند امك اعصابك ارتاحت وبقيتي كويسة
سمر تتنهد .. حاضر يا اياد جايز اكون ظنيت اني قفلته ع العموم يلا عشان نتعشي سوا انا محضرالك مفاجأة
وتذهب سمر واياد لتناول طعام العشاء وبعد ان فرغا من تناول الطعام ذهبا سويا الي غرفة النوم وبدأت سمر تداعبه مداعبة خفيفة وتقول
سمر .. انت بتحبني يا اياد؟
اياد .. اكيد بحبك وبموت فيكي كمان الا مكنتش اتجوزتك
سمر .. وانا كمان بحبك وسعيدة اوي اني معاك
اياد .. انا اللي سعيد اني قدرت افوز بيكي واحصل عليكي وتبقي مراتي .. صدقيني انا واجهت صعاب وتحديات كتير عشان نكون مع بعض
سمر .. صعاب زي ايه ؟!!
اياد .. بعدين هتعرفي كل حاجة
سمر .. اياد بوسني
اياد يقبل سمر في شفتيها وفجأة سمر تشعر بأن شفتاها قد احترقت فتبعد اياد عنها
سمر . ليه كل ما تيجي تبوسني بحس بحرق جامد مكان البوسة
اياد .. مش فاهم ؟!،
سمر .. ما علينا انا مش هحط الحاجات دي في دماغي تاني .. اطفي النور
اياد .. ليه ؟!!
سمر .. كدا
ويطفئ اياد النور ويقترب من سمر وبعد دقيقة واحدة تشعر سمر بأن اياد الذي يحضنها قد تحول الي نفس الشبح الذي رأته من قبل وتشعر بثقل تام في جسدها لا تقوي تماما علي الحركة او حتي الصراخ وتشعر وكأن هذا الشبح يتجول داخل جسدها ويحدث لها نفس الالم في منطقة الحوض تشعر وكأنها تحلم ثم تردد بعض من آيات القرآن الكريم فتشعر وكأن هذا الشبح يتعذب حتي يزول ذلك ويذهب عنها ثم تضئ نور الغرفة لتجد اياد واقفا وحروق متفرقة في جسدة وكأنه التهمه حريق فتصرخ من شدة الصدمة ..
تابعوني والبارت الخامس من الرواية .. تحياتي الكاتب والسيناريست محمد مالك.
[٣٠/‏٥ ٩:٢٠ م] محمد مالك: رواية زوجي من عالم سفلي
البارت الخامس
للكاتب المصري محمد مالك
سمر .. الحق يا اياد جسمك كله محروق
اياد .. في ايه يا سمر ؟!!
سمر تغمض عينيها وتنظر بعيدا ..
سمر .. بقلك جسمك كله محروق منظرك بشع
اياد .. محروق ايه يا سمر !! افتحي عينك مفيش حاجة .. بقلك افتحي متخفيش
سمر تفتح عينيها ببطئ وهي تدير رأسها الي اياد في خوف وحذر ثم تفاجئ بأن اياد سليم ولا توجد به اي اثار حروق
سمر .. مش معقول .. انت فين الحروق اللي في جسمك ؟!!
اياد .. حروق ايه بس يا سمر !! انتي ايه حكايتك بالظبط ؟!!
سمر .. لا انا كدا هتجنن !! ماما كان عندها حق لما قالت ان الشقة دي مسكونة .  انا هروح عند ماما لحد ما تشوف شقة تانية غير دي
اياد .. والشقة مالها بس يا سمر !!
سمر .. كل اللي بيحصلي ده وتقلي الشقة مالها ؟!! انا همشي يا اياد وانت براحتك عاوز تشوف شقة غير دي ماشي مش عاوز براحتك انا مش راجعة هنا تاني ..
ثم تتركه وتنصرف
اياد محادثا نفسه .. وبعدين معاكي يا بنت الناس !! مسيرك تعرفي الحقيقة
وتذهب سمر الي امها لتقيم عندها وتمر الايام دون ان يتصل بها اياد ليخبرها انه قد اشتري شقة غيرها او حتي للأطمئنان عليها فتحزن وتتعجب لذلك
الام .. ايه .. سبع البرمبة متصلش عليكي ؟!!
سمر .. لا .. متصلش!
الام .. ما صدق انك سبيتله البيت !! اهو بان علي حقيقته .. انا مكنتش مرتحاله من الاول .. دا انسان مش طبيعي .. اوعي يا بت يكون مخاوي جن وهو اللي بيعمل فيكي دا كله؟!!
سمر .. مش للدرجة دي يا ماما .. بس غريبه انه متصلش طول الفتره دي!!
الام .. ما انا قلتلك انه ما صدق .. اوعي تتصلي بيه ليحس انك ملهوفه عليه فيتمرع عليكي وميغيرش الشقة .. او تحني وتقومي رجعاله
سمر .. انا لا يمكن ارجع للشقة دي تاني .. لا يمكن دي شقة غريبة وريحها تقيلة اوي علي قلبي
الام .. قليلي .. عملتي ايه ؟ دخلتي ولا لسة
سمر .. صدقيني يا ماما مش عرفة !!
الام .. ايه الكلام دا؟!! يعني مقربش منك تاني؟
سمر .. احنا كنا في اسعد لحظات حياتنا وكنا خلاص .. فجأة اتكرر معايا نفس اللي حصل في المرة الاولي توهت عن الدنيا وعشت جوة كابوس فظيع
الام .. يا ساتر يارب .. ايه معناه الكلام ده؟!!
سمر .. مش عرفة يا ماما هتجنن
الام .. لا دا انا لازم اوديكي للشيخ عرفه يقلنا ايه الحكاية بالظبط
وفجأة تدخل سها فرحة وتقول
سها .. خبر بمليون جنيه .. بكره اول رمضان يا جماعة
سمر .. بجد !! لما اتصل ب اياد عشان نفطر اول يوم مع بعض
ثم جري لتتصل به من غرفتها
الام .. شوفي البت .. اللي لسة بقلها اوعي تصلي بيه!!
سها .. سيبهم يا ماما يحلوا مشاكلهم مع بعض ..
تري ماذا سيكون رد فعل اياد عندما يعلم ان غدا هو اول ايام رمضان ؟؟
هذا ما ستعرفة من البارت السادس .. تابعوني .. تحياتي الكاتب والسيناريست محمد مالك.
[٢/‏٦ ١:٣٩ م] محمد مالك: رواية زوجي من عالم سفلي
البارت السادس
للكاتب المصري محمد مالك
سمر تتصل ب اياد .. اياد يفتح الخط وتسمع سمر اصوات مزعجة ومخيفة
سمر .. الو .. الو .. اياد .. ايه الاصوات اللي عندك دي؟!
اياد .. الو .. ايوه يا سمر
سمر .. ايه الاصوات اللي حواليك دي !! انت فين ؟!
اياد .. انا في البيت .. واصوات ايه ؟!! مفيش اصوات حواليا .. هو انتي لسة في القصة بتاعتك دي ؟!!
سمر .  ما علينا .. ايه انت ماصدقت اني اسيب البيت وامشي؟!
اياد .. انا ممشتكيش .. انتي اللي مشيتي لوحدك
سمر .. وانت عايزني استني تاني بعد اللي بيحصلي دا كله
اياد .. انا مش عارف ايه اللي بيحصل بالظبط !! اوهام في دماغك وانتي مصدقاها
سمر .. يعني انت مش ناوي تغير الشقة؟!!
اياد .. الشقة مفيهاش حاجة عشان اغيرها انا دفعت فيها كتير وصرفت عليها كتير
سمر .. بس انا كدا مش هرجع لو الشقة متغيرتش
اياد .. يا سمر بلاش الاوهام دي وارجعي بيتك .. عيب اوي كدا
سمر .. هتغير الشقة يا اياد
اياد .. حاضر هغيرها عشان خاطرك
سمر .. طيب بكرة انت معزوم عند ماما
اياد .. بمناسبة ايه ؟!
سمر .. بكرة اول يوم رمضان وماما عازمانا علي الفطار انا وانت مع بعض
اياد بصدمة شديدة .. انتي قلتي ايه؟!!
سمر .. بقلك بكرة اول يوم رمضان .. ايه مالك ؟!!
اياد .. يتغير صوته فيصبح غليظ ومخيف .. بكرة رمضان .. مش معقول!!
سمر .. يا ساتر !! مال صوتك يا اياد؟!
اياد .. لا يا حبيتي الشبكة عندي وحشة اوي
سمر .. بس الصوت مش بيقطع ولا حاجة .. انا بسمع اصوات واضحة بس مخيفة جدا  .. المهم هنفطر مع بعض بكره عشان كمان هنخرج نصلي التراويح سوا وهنختم القرآن مع بعض .  انا مبسوطة اوي اول رمضان يجي واحنا مع بعض وان شاء الله رمضان اللي جاي يكون معانا بيبي جميل يملي علينا حياتنا .. الو .. اياد .. انت معايا ؟!!
وفجأة يُغلق الخط
سمر بتعجب شديد .. ايه ده .. هو الخط فصل ليه ؟!! ثم تعاود الاتصال فتسمع رسالة ان الرقم غير موجود بالخدمة فتندهش وتكرر ذلك عدة مرات ولكن تسمع نفس الرسالة وتعود الي امها
الام .. كلمتيه ياختي؟!!
سمر .. كلمته
الام .. يابت انا مش قايلالك اتقلي عشان ميركبش ويدلدل رجليه يا هبلة
سمر .. اياد وافق خلاص وهيجيب شقة تانية .. بس وانا بكلمه الخط فصل فجأة ولما جيت ارن عليه تاني قالي ان الرقم غير موجود بالخدمة!!
وفي اليوم التالي تحاول سمر الاتصال ب اياد ولكن تسمع نفس الرسالة وتنتظر طوال اليوم حتي حان موعد الفطار ولم يحضر اياد فتقلق مي وتستشعر ان اياد قد حدث له مكروه فذهبت مسرعة الي الشقة لتفاجئ بشئ رهيب اصابها بالصدمة
تابعوني والبارت السابع .. تحياتي الكاتب والسيناريست المصري محمد مالك.
[٣/‏٦ ٢:٢٢ م] محمد مالك: رواية زوجي من عالم سفلي
البارت السابع
للكاتب المصري محمد مالك
تذهب سمر الي شقتها وتفتح الباب وتدخل بحذر شديد وخطوات بطيئة وتنظر في شتي ارجاء المكان وتنادي علي اياد ..
سمر .. اياد ..اياد .. انت فين يا حبيبي ؟!!
ثم تدخل الي غرفة النوم فلا تجده ثم تسمع صوت باب الحمام فتظن انه قد دخل الحمام فتتوجه ناحية الحمام ثم تطرق الباب
سمر .. اياد .. انت في الحمام يا حبيبي ؟!! اياد ؟ .. ثم تفتح باب الحمام فلا تجد احد ثم تلمح رماد اسود كثيف في ارض الحمام فتتعجب ثم تحاول ان تستكشف هذا الرماد فتمسك بعضا منه بيدها ثم تقول
سمر .. ودا رماد ايه ده ؟!! هو اياد حرق ايه في الحمام ؟!!
ثم تحاول الاتصال به فتجد الرقم غير موجود بالخدمة فتقول .. غريبة !! ايه حكاية الرقم مش موجود بالخدمة دي ؟!! يا تري رحت فين يا اياد ؟! ويأتي رمضان واياد لا حس ولا خبر ترددت الي الشقة اكثر من مرة لعلها تجده قد عاد ولكنها لم تجده .. ازاد قلقها وخوفها علي اياد .. ذهبت الي الفيلا التي يقيم بها ابواه وفوجئت بأن الفيلا قد تحولت الي ارض مهجورة ليس عليها اي بناء فسألت حارس الارض ..
سمر .. هي الفيلا اللي كانت هنا راحت فين ؟!!
الحارس .. فيلا ايه يا ست هانم ؟!! دا ارض فاضية ولسة اصحابها مبنوهاش
سمر .. ازاي كان في فيلا هنا وصاحبها اسمه عز الدين سرحان رجل اعمال
الحارس .. محصلش .. صاحبها اسمه المرحوم الحاج عوض عبد السميع اصلا من الصعيد واتوفي والارض دي ملك ولاده انتي متعرفيش تقري ولا أيه ؟!! اليفطة قدامك اهه يا ست هانم
سمر .. معقول !! جايز اكون غلطت في الشارع ؟!! لا هو ده الشارع والفيلا كانت هنا .. ع العموم شكرا ياريس
الحارس .. تحت امرك
سمر تصبح في حيرة فأين ذهبت الفيلا واين اياد واهله .. ثم ذهبت لتسأل عنه بشركته فعلمت انه لا يوجد صاحب للشركة بهذا الاسم .. اصبحت في حيرة اكثر اضطرت بعد مرور ثلاثة ايام التوجه الي قسم الشرطة لعمل بلاغ بأختفاء زوجها وطلب منها الضابط بأعطاءه صورة لزوجها واذا بها تفتح الشنطة فلا تجد الصورة .. مع انها قد وضعتها داخل شنطتها ..
ماذا حدث انتظروني والبارت الثامن .. تحياتي محمد مالك.
[٣/‏٦ ٣:٤٠ م] محمد مالك: رواية زوجي من عالم سفلي
البارت الثامن
للكاتب المصري محمد مالك
سمر .. ايه ده ؟!! الصورة راحت فين ؟!! انا متأكدة اني حطاها في الشنطة !!
الضابط .. للأسف مش هقدر اكمل المحضر لاني لازم صورة للشخص المبلغ بأختفائه عشان نقدر ننشرها ونوزعها علي كافة الاقسام
سمر .. صدقني انا حاطة الصورة بإيديا في الشنطة ؟!!
الضابط .. ع العموم ممكن حضرتك نكمل المحضر بكرة
سمر .. لا مينفعش انا هروح البيت واجيب لحضرتك صورة تانية انا معرفش اياد فين دلوقتي ؟!! اختفي فجأة هو عيلته
الضابط .. هو عيلته !! ازاي يعني ؟!!
سمر .. معرفش رحت اسأل عليه في الفيلا عند باباه ملقتش الفيلا
الضابط .. ايه الفيلا عزلت يعني ولا أيه؟!!
سمر .. بتتريق حضرتك ؟!
الضابط .. اعذريني كلام مش منطقي !
سمر .. زي ما بقول لحضرتك ملقتش الفيلا
الضابط .. جايز تكوني اخطأتي في العنوان .. بتحصل كتير ان الواحد بيدخل شارع تاني بدال الشارع اللي يقصده
سمر .. لا ما اخطأتش في العنوان ولا حاجة
الضابط .. طب يعني الفيلا راحت فين ؟!!
سمر .. مش عرفة لقيت مكانها ارض فاضية والحارس قالي انها متبنش من أساسه
الضابط .  كمان ؟!! هو حضرتك بتتعاطي حاجة ؟!!
سمر .. أيه اللي بتقوله ده ؟! انا ما اسمحلكش
الضابط .. لا اسمحيلي بقي .. كلام حضرتك الغير منطقي بيدل علي حاجتين اتنين .. يا اما حضرتك بتتعاطي حاجة والدنيا مشبره معاكي او ان حضرتك ..
سمر تقاطعه .. مجنونة !! صح
الضابط .. حضرتك مش واعية لكلامك .. شوية تقليلي الصورة كانت في الشنطة واختفت وكان في فيلا واختفت !! والفيلا اصلا مش موجودة لان حارس الارض قالك انها متبنتش من اساسه ويمكن في الاخر يطلع الشخص اللي انتي حاية تبلغي بأختفائة مش موجود اصلا غير في دماغك وبس .. لو سمحتي يا اما تقولي كلام منطقي يتصدق يا اما تتفضلي احنا مش فاضيين بصراحة .. ارجوكي
سمر .. خلصت كلام حضرتك ؟!!
الضابط .. ايوه
سمر .. اولا انا لا بشرب حاجة ولا انا مجنونة وكل اللي قلتهولك كلام حقيقي وحصل فعلا واذا كنت حضرتك شايفه من وجهة نظرك انه كلام مش منطقي !! دي مشكلتك بس انا من حقي اعمل بلاغ
الضابط .. اتفضلي حضرتك هاتي الصورة وياريت لو في صورة بطاقة للشخص المختفي عشان ارفقها بالمحضر
سمر .. حاضر .. راجعالك تاني بعد ازنك
الضابط .. وياريت لو عندك صفحة علي الفيسبوك اعملي شير لصورته واكتبي نمرة تليفون دا هيساعدك كتير وممكن حد يعرف هو فين او اي معلومات عنه وهيتواصل معاكي
سمر .. انا فعلا عملت كدا .. ثواني فكرتني انا شيرت صورته امبارح علي صفحته ثم تفتح الفيسبوك فلا تجد الاعلان او الصورة
سمر .. ايه ده !! فين البوست ؟!
الضابط ينظر لها نظرة تعجب وبدأ يشك فيها بالفعل
الضابط .. اتمسح !! صح ؟!! ولا يمكن يكون مفيش بوست  من اساسه؟!!
سمر .. هترجع تاني حضرتك وتلمح بالطريقة المستفزة دي ؟!! لا انا نشرت بوست امبارك
الضابط .. ما علينا .. جايز يكون اتحظر من ادارة الفيسبوك
سمر .. والفيسبوك هيحظره ليه ؟!! دا بوست عادي جدا وناس كتير بتعمل كدا
الضابط .. ع العموم عيدي المحاولة تاني وهاتي اللي قلتلك عليه وانا مستنيكي نعمل المحضر
سمر .. تمام .. بعد ازنك
الضابط .. اتفضلي
وبعد ان تنصرف يقول لنفسه
الضابط .. شكلك شاربه حاجة وجاية تفوقي عليا وحيات امك لو رجعتيلي تاني بقصة جديدة لأحبسك .. احنا ناقصين قرف!!
الاحداث اشتعلت واصبح الغموض يزداد تابعوني والبارت التاسع تحياتي الكاتب والسيناريست المصري محمد مالك.
[٤/‏٦ ٣:٣٤ م] محمد مالك: زوجي من عالم سفلي
البارت التاسع
للكاتب المصري محمد مالك
ذهبت سمر واختها سها الي منزل الزوجية تبحث عن صورة اخري ل اياد فلم تجد حتي البوم صور الوفاف غير موجود
سمر .. فين البوم صور الفرح ؟!! الصور اللي هنا راحت فين بس!! اعمل ايه بس ياربي !! اروح فين واجي منين !! فينك يا اياد وياتري انت كويس ولا لا  وايه اللي حصل معاك بالظبط ؟! ثم تأتي سها وتقول
سها .. بصي يا سمر .. تنفع الصورة دي ؟! وتعطيها صورة ل اياد وسمر قد كتبت عليها لا اله الا الله ..
سمر .. الصورة دي لما كنا لسة في الخطوبة .. وانا اللي كتبت عليها الشهادتين  وقسمتها نصين نص بيظهر فيه اياد والنص التاني ليا انا وكتبت عليه محمد رسول الله عشان ربنا يحفظنا انا واياد من كل شر ومنفترقش ابدا.. طب اشمعني الصورة دي هي اللي موجودة؟!! انتي لقتيها فين ؟!!
سها .. انا لقيتها واقعة في الارض
سمر .. كويس ان لقينا صورة ل اياد
وتذهب سمر مرة اخري الي قسم الشرطة لعمل البلاغ وبعد ثلاثة ايام يتصل بها ضابط القسم ويطلب حضورها للأهمية
سمر .. خير يا فندم .. عرفتوا اياد فين ؟
الضابط .. انتي متاكدة يا مدام سمر ان دي صورة جوزك والرقم اللي اديتهولي رقم بطاقته؟!!
سمر .  طبعا.. ليه ؟!
الضابط .. اصل لما كشفنا عن الصورة ورقم البطاقة طلع فعلا لشخص اسمه اياد بس اتوفي من خمس سنين في حادث في السعودية
سمر .. يعني ايه؟!
الضابط .. يعني انتي بتدوري علي واحد ميت اصلا والطامة الكبري انه مات عاذب مش متجوز
سمر .. مش فاهمة حاجة ؟!!
الضابط .. انا اللي مش فاهم انتي قصدك ايه من اللي بتعمليه ده بلاغ وهمي بغياب شخص متوفي وادعائك انه جوزك وهو اصلا مش متجوز .. انتي عندك مشكلة نفسية ؟!! بيتهيئلك حاجات ؟!!
سمر .. انا لا عندي مشكلة نفسية ولا بيتهيئلي حاجات كل اللي انا قلته حقيقي وحصل انا مش كدابه
الضابط .. هو حصل فعلا بس جوة دماغك وانتي مقتنعة بيه
سمر .. يعني ايه ؟!!
الضابط .. يعني انتي زي اختي وشكلك بنت ناس ومش هاين عليا اوجهلك تهمة بلاغ كاذب وازعاج سلطات .. اتفضلي حضرتك وياريت تعرضي نفسك علي طلبيب نفسي
تخرج سمر من قسم الشرطة وكلها حيرة لا تصدق ما يحدث وساءت حالتها النفسية حتي ذهبت بها امها الي الشيخ راضي وهناك كانت المفاجأة.
تابعوني والبارت العاشر والاخير من الرواية .. تحياتي الكاتب والسيناريت المصري محمد مالك.
[٤/‏٦ ١٠:٢٠ م] محمد مالك: زوجي من عالم سفلي
رواية للكاتب المصري محمد مالك
ذهبت سمر الي الشيخ راضي وقصت عليه الحكاية من الاول وبعد حوار طويل اخبرها الشيخ راضي بان هذا جني عاشق وقد تجسد في صورة انسان حتي يستطيع ان يتزوجها ويعيش معها
سمر .. بتقول ايه يا عم الشيخ !! مين ده اللي جني عاشق؟!!
راضي .. جوزك اللي بتحكي عنه اللي اسمه اياد .. دا مش انسان دت جني عاشق متمثل في صورة انسان عشان يعرف يتقرب منك ويعاشرك معاشرة الازواج بس بطريقته هو .. والدليل ان اختفي قبل رمضان .. عرفة ليه؟
سمر .. ليه ؟!!
راضي .. عشان الشياطين بتتسلسل في رمضان .. يعني مش هيظهر تاني غير اول يوم العيد
سمر .. انا مش قادرة اصدق الكلام ده ؟!! لا لا الكلام ده مش مظبوط
راضي .. انا بقلك الحقيقة وفكري كويس وراجعي اللي حصل في دماغك براويز القرآن اللي اختفت فجأة .. السرير اللي ولع اول ما اتحط تحت المخدة اللي عليه الحجاب .. جهاز الراديو اللي اتحرق لما شغلتي اذاعة القرآن .. الكوابيس .. ظهورة فجأة ودخوله اي مكان بيكون مقفول .. عدم اتمام دخلتك للآن بس هو دخل عليكي بس بطريقته هو .. اقتنعتي ان دي افعال شيطانية ..
الام .. الشيخ راضي بيتكلم صح .. واللي يثبت الكلام ده الفيلا بتاعة اهله اللي مبقاش ليها اثر لا هي ولا أهله .. وطلعت في الاخر حتة ارض فاضية عمرها ما اتبنت .. شخصية اياد نفسها اللي طلعت في الاخر شخص متوفي من خمس سنين
راضي .. لأنه ببساطة انتحل شخصية واحد متوفي
سمر .. بقي اياد طلع جني عاشق !! ودا عاوز مني ايه؟!!
راضي .. دا جني من سكان تحت الارض شافك اكيد وانتي لا مؤاخذة من غير هدوم في الحمام او في اوضة النوم فأعجب بيكي فقرر انه يتجوزك
سمر .. ودا اعمل ايه معاه ؟؟ اخلص منه ازاي
راضي .. عاوزك تعرفي ان النوع من الجني ده بيكون مؤذي جدا ومش بيفارق جسد الانسان بالساهل .. بس هنقدر عليه بإذن الله
اياد مرتبك .. انا .. انا جالي سفر فجأة شغل تبع الشركة
سمر .. فجأة كدا ؟!! دا انا كنت بكلمك وبقلك رمضان بكره فجأة لقيتك اتلخبطت وارتبكت والخط قطع وارن بعد كدا يقلي الرقم غير موجود بالخدمة !!
اياد .. اصل ..ااااا
سمر .. قلي يا اياد .. انت صمت رمضان السنة دي؟!!
اياد .. اكيد وكنت بصلي القيام كمان
سمر .. جميل جدا .. طب شفت السلسلة الجميلة دي اللي جابتهالي ماما .. بص دي آية الكرسي
اياد .. مبروك
سمر .. تعالي شفها .. ولا اقلك خد امسكها
اياد .. لا .. قلت مبروك خلاص
سمر .. اها .. اياد انت حافظ ايه في القرآن ؟!
اياد .. حافظ كتير
سمر .. طب قول كدا نفسي اسمعك وانت بتقري قرآن ولا اقلك تعالي نتوضأ ونصلي مع بعض ركعتين شكر لله عشان رجعت بالسلامة لأني بجد كنت هموت وانت غايب عني وانا مش عرفة انت فين .. يلا نتوضا
اياد .. لا مش هقدر
سمر .. مش هتقدر !! عارف ليه ؟! لانك جني حقير ظهرتلي فجأة وعملت نفسك بتحبني وعاوز تتجوزني عشان تلبسني وتوصلني لمرحلة الجنون
اياد .. ايوه انا جني .. ارتحتي بقي ؟!! عملت دا كله عشان بحبك .. بحبك بجنون وممكن ادمر اي حد يبعدني عنك .. انتي نفسك لو بعدتيني عنك هدمرك .. فاهمه يا سمر هدمرك
سمر .. ما انت دمرتني فعلا !! عاوز تعمل فيا ايه تاني يا ... مش عرفة اقلك يا مين ؟!! الا بالحق انت اسمك الحقيقي ايه ؟!! اكيد اسم بشع زيك .. انا هحرقك .. هخليك تندم علي اليوم اللي ظهرتلي فيه ثم تتلوا ايات حرق وتغذيب الجن .. واياد يتألم
اياد .. كفاية .. كفاية يا سمر
سمر .. فاخرج منها فانك رجيم وان عليك لعنتي الي يوم الدين .. قل اعوذ برب الناس
اياد .. كفاية بقلك .. مش عاوز أئذيكي .. كفاية يا سمر
سمر .. يلا اتحرق بقي وخلصني وفجأة يختفي اياد وسمر تتعجب اين ذهب .. وبعد دقائق تشعر بشئ يسرح داخل جسدها محدثا لها الاما رهيبة ثم تفاجأ بدماء تخرج من كل مكان في جسدها وتسمع صوت يقول لها .. ريحي نفسك من العذاب ارمي نفسك من الشباك وسمر تصرخ وتقول لا حتي تسقط في الارض مغشيا عليها لتفيق بعد ذلك وتجد حولها الشيخ راضي وامها واختها
سمر .. انا فين ؟! انا لسة عايشة صح؟!!
راضي .. متخفيش يا بنتي انتي زي الفل
الام .. حمد الله علي السلامة يا بنتي
سمر .. هو فين ؟!!
سها .. اتحرق وغار في داهية
سمر .. يعني خلاص مبقاش يسرح في جسمي ؟!!
راضي .. الحمد لله ربنا اعنا عليه واتحرق بآيات الله .. بس عشان الموضوع ده ميتكررش معاكي يا سمر حصني نفسك بذكر الله خلي الحبل بينك وبين ربنا موصول دايما بالصلاة والذكر وبكدا عمر ما حد هيقدر يؤذيكي لا جني ولا حتي انسي ..
سمر .. عندك حق يا عم الشيخ .. انا فعلا قصرت كتير في حق ربنا عليا ..عشان كدا الشيطان عرف يتملك مني
راضي .. معلش ربنا يحميكي يا بنتي ويحافظ عليكي وهو خير الحافظين.. انتهت قصتي ولم تنتهي محبتي .. تحياتي الكاتب والسيناريست المصري محمد مالك.